ក្របខ័ណ្ឌ Premier League បានពន្យារពេលការប្រកួតរបស់ក្រុម Liverpool ជាមួយនឹងក្រុម Leeds United និងការប្រកួតរេវាងក្រុម Wolves និង Watford ដោយសារតែបញ្ហាឆ្លងកូវីដ 19 ក្នុងក្លិបទាំងនេះ។ ការប្រកួតទាំង2គូ ត្រូវបានគ្រោងរៀបចំឡើងនៅថ្ងៃអាទិត្យ ទី26 ខែធ្នូ ប៉ុន្តែ ត្រូវបានពន្យារពេល
- Advertisement -
ក្រោយពីមានសំណើពីក្លិប Leeds និង Watford។ ក្របខ័ណ្ឌ Premier League បានបញ្ជាក់ថា Leeds មិនអាចលេងបានឡើយ ដោយសារតែកីឡាករជាច្រើនរបស់ខ្លួនបានឆ្លងកូវីដ 19 បញ្ហារបួសកីឡាករ និងការមានជំងឺ។ ស្របពេលជាមួយគ្នានេះ លោក Rafael Benitez គ្រូបង្វឹករបស់ Everton បានបញ្ជាក់ថា លោកមានការភ្ញាក់ផ្អើលដែលការប្រកួតរបស់ក្រុមលោកជាមួយនឹងក្រុម Burnley នៅតែត្រូវប្រកួតជាធម្មតា។ Everton បានលេងការប្រកួតជាលើកចុងក្រោយរបស់ខ្លួនកាលពីថ្ងៃទី16 ខែធ្នូ នៅពេលនោះពួកគេបានបញ្ចប់ក្នុងលទ្ធផលស្មើ 1-1 ជាមួយនឹងក្រុម Chelsea នៅមុនពេលការប្រកួតរបស់ពួកគេកាលកាលពីថ្ងៃទី19 ខែធ្នូ ជាមួយនឹងក្រុម Leicester City ត្រូវបានពន្យារពេលដោយសារតែករណីឆ្លងកូវីដ ១៩ ក្នុងក្លិប Leicester៕
ប្រភពព័ត៌មាន៖ BBC
- Advertisement -
Comments are closed.