Barcelona បានបង្កើតការភ្ញាក់ផ្អើលនានានៅលើបណ្តាញសារព័ត៌មានទាក់ទងនឹងការដោះដូរកីឡាករនៅរដូវក្តៅឆ្នាំ2022នេះ តាមរយៈការចុះហត្ថលេខាជាមួយនឹង Robert Lewandowski ពីក្លិប Bayern Munich ក្នុងតម្លៃខ្លួន50លានអឺរ៉ូ (ស្មើនឹង50,7លានដុល្លារអាមេរិក)។ តារាឆ្នើមអន្តរជាតិប៉ូឡូញរូបនេះ គឺជាកីឡាករម្នាក់ក្នុង
- Advertisement -
ចំណោមកីឡាករដ៏ឆ្នើមបំផុតក្នុងពិភពលោក ក្នុងរយៈពេលកន្លះទសវត្សរ៍ចុងក្រោយនេះ ក្រោយពីបានស៊ុតបាល់បញ្ចូលទីសរុបដល់ទៅ161គ្រាប់ក្នុងដំណាក់កាលនោះ។ ក្នុងនាមជាខ្សែប្រយុទ្ធម្នាក់ Lewandowski បានពាក់អាវលេខ9 នៅក្លិប Bayern និងត្រូវបានគេផ្តល់រហស្សនាមថា RL9។ ជាអកុសល្យ រូបគេអាចនឹងមិនទទួលបានសិទ្ធិបែបនោះនៅក្លិប Barcelona ឡើយ ស្របពេលដែលលេខ9 កំពុងតែស្ថិតក្រោមការគ្រប់គ្រងរបស់ Memphis Depay។ បើយោងទៅតាមបណ្តាញសារព័ត៌មាននានា ក្លិប Barcelona ចង់ផ្តល់អាវលេខ9ទៅឲ្យ Lewandowski ដោយសារតែហេតុផលជាច្រើន។ ហេតុផលទីមួយគឺថា ខ្សែប្រយុទ្ធភាគច្រើនដូចជា Luis Suarez, Zlatan Ibrahimovic, Samuel Eto’o, Ronaldo និង Patrick Kluivert សុទ្ធសឹងពាក់អាវលេខ9។ ហេតុផលមួយទៀត ដោយសារតែ Lewandowksi មានភាពជោគជ័យរួចជាស្រេច ក្រោយពីបានពាក់អាវលេខ9 នៅក្លិប Bayern។ ជាមួយគ្នានេះ អាវលេខ9 ក៏តំណាងឲ្យកីឡាករចំណូលថ្មីទី3របស់ក្លិប Barcelona នារដូវក្តៅនេះផងដែរ៕
ប្រភពព័ត៌មាន៖ Barca News
- Advertisement -
Comments are closed.