អតីតកីឡាករ Manchester United អំឡុងឆ្នាំ 1995-2001 Andy Cole បាននិយាយត្រង់ៗថា មើលមិនឃើញចំណុចអស្ចារ្យរបស់ខ្សែបម្រើ Antony ឡើយ ហើយថែមទាំងបានរិះគន់ Manchester United ចំពោះការចំណាយប្រាក់យ៉ាងច្រើន ដើម្បីចុះហត្ថលេខាលើខ្សែបម្រើស្លាបរូបនេះ។ Andy Cole និយាយធ្ងន់ៗថា៖ «ខ្ញុំអាចនឹង
ឆ្កួត ប្រសិនបើខ្ញុំលេងជាដៃគូជាមួយ Antony ក្នុងនាមជាខ្សែប្រយុទ្ធកណ្តាល។ ប្រសិនបើអ្នកលេងជាមួយគាត់ អ្នកនឹងដឹងថា គាត់មិនអាចឆ្លងបាល់បានទេ។ ខ្សែប្រយុទ្ធត្រូវការការបញ្ជូនបាល់ ជាពិសេស Rasmus Hojlund ដែលមិនទាន់រកគ្រាប់បាល់បាននៅ Premier League ។ នៅពេលដែល Antony មានបាល់នៅជើងរបស់គាត់ 9 ក្នុងចំណោម 10 បាល់ គាត់នឹងស៊ុតបញ្ចូលទីដោយខ្លួនឯង។ ឱកាសតែមួយគត់ដែល Hojlund ទទួលបានបាល់ពី Antony គឺនៅពេលដែលអ្នកចាំទីបិទមុំជិតអស់រលីងតែម្ដង»។
- Advertisement -
ជាការពិត ក្នុងរដូវកាលថ្មីនេះ ខ្សែប្រយុទ្ធប្រេស៊ីលខាងលើ មិនទាន់រកគ្រាប់បាល់បញ្ចូលទី ឬបញ្ជូនបាល់ឲ្យមិត្តរួមក្រុមបានម្ដងណាទេ ក្នុងចំណោមការប្រកួតចំនួន 12 កន្លងមក។
បន្ថែមលើនេះ Andy Cole ក៏បានស្ដីបន្ទោសបិសាចក្រហមផងដែរ ដែលបោះបង់ឱកាសនាំយក Kaoru Mitoma ហើយគេបានចូលរួមជាមួយ Brighton ពី Kawasaki Frontale ក្នុងតម្លៃត្រឹមតែ 2.7 លានផោន។
«ពេលខ្លះខ្ញុំមានសំណួរក្នុងចិត្តចង់សួរថា តើអ្វីជាចំណុចខ្លាំងរបស់ Antony? គាត់មិនអាចប្រជែងជាមួយគូប្រកួតប្រកបដោយប្រសិទ្ធិភាពទេ ពិសេសគាត់មិនអាចបង្កើតឱកាសបាន ហើយក៏មិនអាចរកគ្រាប់បាល់បានដែរ។ តើអ្វីទៅជាចំណុចខ្លាំងរបស់គាត់? យើងបានចំណាយប្រាក់យ៉ាងច្រើន ដើម្បីចុះហត្ថលេខាយកគាត់មក។ តែនៅពេលអ្នកក្រឡេកមើលក្លឹបដូចជា Brighton ដែលបានចុះហត្ថលេខាជាមួយ Mitoma ក្នុងតម្លៃ 2.7 លានផោន អ្នកត្រូវសួរខ្លួនឯងថា តើ Manchester United មានភាពឆ្លាតវៃក្នុងការទិញកីឡាករដែរទេ? ព្រោះយើងចំណាយអស់ដល់ទៅ 86លានផោនលើ Antony?»៕
ចុះឈ្មោះ និងដាក់ប្រាក់ជាមួយ 188Asia ទទួលបានរង្វាន់ប្រាក់បន្ថែមរហូតដល់ $100 បើកគណនី www.188asia.com
- Advertisement -
Comments are closed.