ក្លិបបាល់ទាត់អ៊ីតាលី AS Roma បានសំរេចតែងតាំងគ្រូបង្វឹកថ្មីភ្លាមៗគឺអតីតប្រធានក្រុម Daniele de Rossi បន្ទាប់ពីបញ្ចប់តំណែងអ្នកចាត់ការ Jose Mourinho។ បុរសវ័យ 40 ឆ្នាំរូបនេះបានចុះហត្ថលេខាដឹកនាំ Roma រយៈពេលខ្លីដល់ដំណាច់រដូវកាលនេះប៉ុណ្ណោះ។ បន្ទាប់ពីចំណាយពេល 18 ឆ្នាំជាកីឡាករអាជីពនៅ AS Roma,
Daniele de Rossi នឹងត្រលប់មកកីឡដ្ឋាន Stadio Olimpico វិញក្នុងនាមជាគ្រូបង្វឹកនៅពេល Roma ជួប Verona។
- Advertisement -
កើតនៅទីក្រុងរ៉ូម ជាកីឡាករដែលចេញពីថ្នាលយុវជនរបស់ក្លិប ដែលបានចូលរួមជាមួយ Roma តាំងពីឆ្នាំ 2000 និងបង្ហាញខ្លួននៅក្រុមធំនៅឆ្នាំ 2001។
Daniele de Rossi បានបង្ហាញខ្លួនឱ្យ Roma សរុប 616 ប្រកួតរកបាន 93 គ្រាប់ ឈរលេខ 2 ក្នុងនាមជាកីឡាករដែលបង្ហាញខ្លួនឱ្យ Roma ច្រើនបំផុតក្នុងប្រវតិ្តសាស្រ្តក្លិប ឈ្នះពាន Coppa Italia ពីរលើក និង Supercoppa មួយលើកនៅឆ្នាំ 2007។
Daniele de Rossi មានអាជីពជាមួយក្រុមជម្រើសជាតិជោគជ័យជាងនៅក្លិប ដោយបង្ហាញខ្លួនសរុបឱ្យអ៊ីតាលីបាន 117 ប្រកួតឈ្នះជើងឯកពិភពលោកនៅឆ្នាំ 2006។
បន្ទាប់ពីចូលនិវត្តន៍ពីអាជីពកីឡាករ De Rossi បានចូលរួមជាមួយសមាជិកក្រុមគ្រូបង្វឹកអ៊ីតាលី រួមចំណែកជួយអ៊ីតាលីឈ្នះពាន Euro នៅឆ្នាំ 2021 មុនពេលទៅដឹកនាំ SPAL រដូវកាលមុន៕
ចុះឈ្មោះ និងដាក់ប្រាក់ជាមួយ 188Asia ទទួលបានរង្វាន់ប្រាក់បន្ថែមរហូតដល់ $100 បើកគណនីចុចទីនេះ www.188asia.com
- Advertisement -
Comments are closed.