ក្រុមការពារតំណែងជើងឯក Manchester City បានបន្តដំណើរឡើងវគ្គ 8 ក្រុមចុងក្រោយ UEFA Champions League ហើយ ក្រោយបន្តយកឈ្នះក្រុមជើងឯកដាណឺម៉ាក FC Copenhagen ជើងទីពីរ 3-1 សរុបទាំងពីរជើង 6-2។
កាន់ពីគ្រាប់ចំណេញពីជើងទីមួយ ក្រុមម្ចាស់ផ្ទះរកបានពីរគ្រាប់ក្នុងរយៈពេល 9 នាទីដំបូងដោយខ្សែការពារ Manuel Akanji និង Julian Alvarez មុនពេលដែលក្រុមភ្ញៀវតបបានមួយគ្រាប់វិញដោយ Mohamed Elyounoussi។ មិនទាន់អស់នៅឡើយ Manchester City ក៏រកបានមួយគ្រាប់ទៀតចុងវគ្គទីមួយដោយ Erling Haaland។
នេះជាគ្រាប់ទី 6 សម្រាប់ខ្សែប្រយុទ្ធន័រវេសរូបនេះនៅ UCL រដូវកាលនេះស្មើគ្នានឹង Harry Kane និង Mbappe និងជាគ្រាប់ទី 29 របស់ខ្លួនគ្រប់ក្របខណ្ឌរដូវកាលនេះ។
- Advertisement -
ជ័យជំនះធ្វើឱ្យ Manchester City ធ្វើដំណើរទៅវគ្គ 8 ក្រុមចុងក្រោយ 7 រដូវកាលជាប់គ្នា តាមស្មើស្ថិតិរបស់ Manchester United ដែលធ្លាប់ឡើងវគ្គ 8 ក្រុម 7 លើកជាប់គ្នាដែរចន្លោះឆ្នាំ 1996-97 ដល់ 2002-2003។
ងាកមកមួយប្រកួតទៀត ជើងឯក 14 សម័យកាល Real Madrid ត្រូវធ្វើការងារធ្ងន់ដើម្បីឡើងវគ្គបន្ត។ បន្ទាប់ពីឈ្នះជើងទីមួយនៅទឹកដីអាល្លឺម៉ង់របស់ Leipzig ១-០ នោះ Real Madrid ត្រូវរងការប្រយុទ្ធខ្លាំងពីក្រុមភ្ញៀវនៅជើងទីពីរក្នុងទឹកដីរបស់ខ្លួន។
យ៉ាងណាក្តីខ្សែប្រយុទ្ធប្រេស៊ីល Vinicius Junior នៅតែអាចរកគ្រាប់បាល់នាំមុខបាន ពីការវាយបកបញ្ជូនបង្កើតឱកាសដោយ Jude Bellingham។ តែការនាំមុខរបស់ Real Madrid នៅនាទីទី 65 នោះ ត្រេកអរបានត្រឹមបីនាទីប៉ុណ្ណោះបន្ទាប់ពី Leipzig តាមស្មើភ្លាមៗដោយ Willy Orban នៅនាទីទី 68។
នាទីដែលនៅសេសសល់មិនមានគ្រាប់បាល់ទៀតឡើយ ខណៈការប្រកួតបញ្ចប់ទៅដោយស្មើគ្នា 1-1 មានន័យថា Real Madrid ឡើងវគ្គបន្តដោយឈ្នះសរុបទាំងពីរជើង 2-1។
ក្រុមទាំងពីរ Real Madrid និង Manchester City នឹងដឹងគូប្រកួតវគ្គ 8 ក្រុមចុងក្រោយនៅថ្ងៃសុក្រសប្តាហ៍ក្រោយនេះ៕
ចុះឈ្មោះ និងដាក់ប្រាក់ជាមួយ 188Asia ទទួលបានរង្វាន់ប្រាក់បន្ថែមរហូតដល់ $100 បើកគណនីចុចទីនេះ www.188asia.com
- Advertisement -
Comments are closed.