ខ្សែប្រយុទ្ធ Karim Benzema របស់ក្លិប Real Madrid ត្រូវបានបញ្ចូលឈ្មោះក្នុងក្រុមជម្រើសជាតិបារាំង សម្រាប់ព្រឹត្តិការណ៍ Euro ឆ្នាំ2020 ក្រោយពីអវត្តមានជិត៥ឆ្នាំ ខណៈដែលនេះគឺជាការសម្រេចចិត្តដ៏គួរឲ្យភ្ញាក់ផ្អើលមួយ ពីគ្រូបង្វឹកលោក Didier Deschamps កាលពីថ្ងៃអង្គារ។
Benzema ដែលបានស៊ុតបាល់បញ្ចូលទី២៩គ្រាប់ ក្នុងរាល់យុទ្ធនាការទាំងអស់សម្រាប់ Real Madrid នៅរដូវកាលនេះ មិនធ្លាប់បានចូលលេងឲ្យប្រទេសរបស់គេសោះ បើគិតចាប់តាំងពីឆ្នាំ2015 ក្រោយពីមានរឿងអាស្រូវលើការគំរាមទារប្រាក់ ដែលនាំឲ្យរូបគេត្រូវឡើងតុលាការនៅខែតុលា។ កីឡាកររូបនេះ ត្រូវបានគេចោទប្រកាន់ថា បានចូលរួមក្នុងការជំរិតទារប្រាក់ពីខ្សែបម្រើ Mathieu Valbuena វ័យ៣៦ឆ្នាំ តាមរយៈការគំរាមបញ្ចេញវីដេអូស៊ិកជាសាធារណៈ ក្នុងឆ្នាំ២០១៥ ប៉ុន្តែ ខ្សែប្រយុទ្ធរូបនេះ បានរក្សាការតវ៉ាថា មន្ត្រីប៉ូលិសម្នាក់ បានប្រើប្រាស់វិធីសាស្ត្រមិនស្មោះត្រង់ ដើម្បីទាញរូបគេឲ្យធ្លាក់ចូលក្នុងស្ថានភាពនេះ។ ក្រោយពីបានបញ្ជាក់ថា Benzema ពិតជាស្ថិតក្នុងក្នុងក្រុមរបស់ខ្លួន លោក Didier Deschamps គ្រូបង្វឹកនៃក្រុមជម្រើសជាតិបារាំង បាននិយាយថា៖ «រឿងដ៏សំខាន់បំផុត គឺការគិតពីបច្ចុប្បន្ន និងទៅអនាគត»។ Benzema វ័យ៣៣ឆ្នាំ បានស៊ុតបាល់បញ្ចូលទី២៧គ្រាប់ ក្នុងការបង្ហាញខ្លួន៨១លើកសម្រាប់ក្រុមជម្រើសជាតិបារាំង៕
ក្រុមជម្រើសជាតិបារាំង
- Advertisement -
អ្នកចាំទី៖ Hugo Lloris (Tottenham), Mike Maignan (Losc), Steve Mandanda (Marseille)
ខ្សែការពារ៖ Lucas Digne (Everton), Leo Dubois (Lyon), Lucas Hernandez (Bayern Munich), Presnel Kimpembe (PSG), Jules Kounde (Sevilla), Clement Lenglet (Barcelona), Benjamin Pavard (Bayern Munich), Raphael Varane (Real Madrid), Kurt Zouma (Chelsea)
ខ្សែបម្រើ៖ N’Golo Kante (Chelsea), Thomas Lemar (Atletico Madrid), Paul Pogba (Manchester United), Adrien Rabiot (Juventus), Moussa Sissoko (Tottenham), Corentin Tolisso (Bayern Munich)
ខ្សែប្រយុទ្ធ៖ Wissam Ben Yedder (Monaco), Karim Benzema (Real Madrid), Kingsley Coman (Bayern Munich), Ousmane Dembele (Barcelona), Olivier Giroud (Chelsea), Antoine Griezmann (Barcelona), Kylian Mbappe (PSG), Marcus Thuram (Borussia Monchengladbach)
ប្រភពព័ត៌មាន៖ Channel News Asia
- Advertisement -
Comments are closed.