គ្រាប់បាល់តែតបញ្ចូលទីនៅនាទីទី 7 បើកការនាំមុខឱ្យ Bayern Munich លើ Bayer Leverkusen ជាគ្រាប់បាល់ទី 300 ក្នុងអាជីពរបស់ខ្សែប្រយុទ្ធជម្រើសជាតិអង់គ្លេស Harry Kane សម្រាប់ការលេងឱ្យក្លិបអាជីពអស់ពេលជាង 14ឆ្នាំ។ ថ្វីបើក្លាយជាកីឡាកររបស់ Tottenham Hot Spurs តាំងពីឆ្នាំ 2009 ក៏ពិតមែន
តែកីឡាកររូបនេះ បំប៉ោងសំណាញ់ទីលើកដំបូងនៅថ្ងៃទី 17 ខែមេសា ឆ្នាំ 2013 ក៏ជាពេលដែលគេជាប់ជម្រើសដំបូងដែរ ក្រោមការផ្ដល់ទំនុកចិត្តដោយអ្នកចាត់ការ Tim Sherwood ។ Kane រកបានគ្រាប់បាល់នៅនាទី 59 ក្នុងជ័យជម្នះ 5-1 របស់ Spurs លើម្ចាស់ផ្ទះ Sunderland ។
ចំពោះគ្រាប់បាល់ទាំង 300គ្រាប់នេះ ខ្សែប្រយុទ្ធវ័យ 30ឆ្នាំខាងលើ រកបានជាមួយ Spurs ចន្លោះពីឆ្នាំ 2009 ដល់ 2023 ចំនួន 280គ្រាប់។ 4គ្រាប់ជាមួយក្លិបថ្មី Bayern Munich ហើយក៏នឹងបន្តរកបានបន្ថែមទៀត។ ក្នុងនោះដែរ ចន្លោះរដូវកាល 2010-2011 រកបាន 5គ្រាប់ជាមួយ Leyton Orient បន្តរកបាន ៩គ្រាប់ជាមួយ Millwall និង ២គ្រាប់ជាមួយ Leicester City នារដូវកាលបន្តបន្ទាប់ ក្នុងនាមជាកីឡាករខ្ចីជើង។
បែបណាក្ដី ក្នុងអាជីពជាង 14ឆ្នាំមកនេះ Harry Kane ពុំទាន់ឈ្នះជើងឯកណាមួយឡើយ ទាំងក្នុងក្លិប និងជម្រើសជាតិ។ លទ្ធផលល្អបំផុតជាមួយក្លិប គឺជើងឯករង UEFA Champions League 2018-19 និងជើងឯករង EFL Cup 2លើក ខណៈក្នុងក្រុមជម្រើសជាតិ ធ្លាប់ជាជើងឯករង Euro 2020 និងលេខ 3 នៅ Nations League 2018-19 ៕
ចុះឈ្មោះ និងដាក់ប្រាក់ជាមួយ 188Asia ទទួលបានរង្វាន់ប្រាក់បន្ថែមរហូតដល់ $100 បើកគណនី www.188asia.com