ខ្សែប្រយុទ្ធអាហ្សង់ទីន និង Inter Miami, Lionel Messi បានក្លាយជាម្ចាស់ជ័យលាភីកីឡាករឆ្នើមប្រចាំឆ្នាំ Ballon d’Or ជាលើកទី 8 ក្នុងអាជីព ក្រោយទទួលបានសម្លេងគាំទ្រច្រើនជាង Erling Haaland។
កីឡាករវ័យ 36 ឆ្នាំរូបនេះបានឡើងទទួលពានជ័យលាភីរបស់ខ្លួននៅទីក្រុងប៉ារីសប្រទេសបារាំង ជាទីក្រុងដែលខ្លួនប្រកបអាជីព
នៅក្លិបបាល់ទាត់ Paris Saint Germain ក្នុងពេលដែលអាហ្សង់ទីនឈ្នះពាន FIFA World Cup 2022 នៅកាតាឆ្នាំមុន។
Ballon d’Or ដែលគេស្គាល់ថាជាពានរង្វាន់ផ្តល់ជូនកីឡាករបុគ្គលកីឡាឆ្នើមប្រចាំឆ្នាំ ក្រោមការបោះឆ្នោតដោយអ្នកសារព័ត៌មានសរុប 100 នាក់ជុំវិញពិភពលោក។
Messi គឺជាកំលាំងស្នូលដ៏សំខាន់ក្នុងការជួយអាហ្សង់ទីនឈ្នះជើងឯកពិភពលោក ហើយ Messi ក៏ជាផ្នែកសំខាន់មួយទៀតដែលជួយក្លិបថ្មីរបស់ខ្លួន Inter Miami ឈ្នះពានដំបូង តាមរយៈការស៊ុតបញ្ចូលទី 11 គ្រាប់ក្នុងការបង្ហាញខ្លួន 14 ប្រកួត។
Messi នៅពេលនេះកាន់តែពន្លាតកំណត់ត្រារបស់ខ្លួនឈ្នះពាន Ballon d’Or នេះច្រើនជាងគេសរុប 8 លើក ខណៈខ្សែប្រយុទ្ធព័រទុយហ្កាល់របស់ Al-Nassr, Cristiano Ronaldo ធ្លាប់ឈ្នះសរុប 5 លើក។ ចំណែកឯខ្សែប្រយុទ្ធ Manchester City, Erling Haaland បានត្រឹមចំណាត់ថ្នាក់លេខ 2 ខណៈ Kylian Mbappe លេខ 3។
ខ្សែប្រយុទ្ធន័រវេស Haaland ក៏បានឈ្នះពានខ្សែប្រយុទ្ធឆ្នើមបំផុតផងដែរក្រោយស៊ុតបញ្ចូលទីបាន 36 គ្រាប់ក្នុងការបង្ហាញខ្លន ៣៥ ប្រកួតក្នុងលីគ និងសរុប ៥២ គ្រាប់ក្របខណ្ឌរដូវកាលមុនជួយ Manchester City ឈ្នះពាន 3 ក្នុងមួយរដូវកាលរួមមាន English Premier League, UEFA Champions League និង FA Cup។
ជ័យលាភីផ្សេងទៀតរួមមាន កីឡាការិនីអេស្ប៉ាញខ្សែបម្រើ FC Barcelona, Aitana Bonmati ជាពានកីឡាការិនីឆ្នើមប្រចាំឆ្នាំ ខ្សែបម្រើអង់គ្លេស និង Real Madrid, Jude Bellingham ឈ្នះពានកីឡាករវ័យក្មេងអាយុក្រោម 21 ឆ្នាំឆ្នើមបំផុតប្រចាំឆ្នាំ អ្នកចាំទីអាហ្សង់ទីន និង Aston Villa, Emiliano Martinez ឈ្នះពានអ្នកចាំទីឆ្នើមបំផុតប្រចាំឆ្នាំ ខណៈ Manchester City ឈ្នះពានក្លិបបាល់ទាត់ឆ្នើមបំផុតផងដែរ៕
ចុះឈ្មោះ និងដាក់ប្រាក់ជាមួយ 188Asia ទទួលបានរង្វាន់ប្រាក់បន្ថែមរហូតដល់ $100 បើកគណនី www.188asia.com