ក្រុមបាល់បោះការពារតំណែងជើងឯក Denver Nuggets បានបន្តស្ថិតិឈ្នះ 5 ប្រកួតជាប់គ្នាក្រោយយកឈ្នះ Golden State Warriors 120-114 ព្រឹកនេះក្នុងការប្រកួតបាល់បោះក្របខណ្ឌ NBA សហរដ្ឋអាមេរិក។
កីឡាករ Jamal Murray បោះបញ្ចូលកន្ត្រកម្នាក់ឯងបាន 28 ពិន្ទុខណៈ Nikola Jokic វិលចូលប្រកួតវិញ
ក្រោយសុំសម្រាកមួយប្រកួតដើរលេងបុណ្យគ្រីស្មាសនោះ បោះបាន 26 ពិន្ទុ តែ 18 ពិន្ទុទៅហើយជាការបោះបាល់ពិន័យ តែបូកទាំង 14 បាល់រីបោន និង 8 បាល់បញ្ជូន។
កាលពីប្រកួតអបអរគ្រីស្មាសឆ្នាំមុន Nikola Jokic បោះម្នាក់ឯងបានដល់ទៅ 41 ពិន្ទុ 15 បាល់រីបោន និង 15 បាល់បញ្ជូនក្នុងជ័យជំនះថែមម៉ោងលើ Phoenix Suns។ នេះជាការប្រកួតដ៏ស្វិតស្វាញមួយដែររវាងក្រុមទាំងពីរ ដែលមានការនាំមុខគ្នាទៅវិញទៅមក 9 លើក។
ចំណែក Golden State Warriors កីឡាករ Andrew Wiggins បោះបាន 22 ពិន្ទុម្នាក់ឯង បន្ទាប់ពីអវត្តមានពីរប្រកួតដោយសារមានជំងឺ។ ជាមួយគ្នានោះដែរ កីឡាករមាឌល្អិត Stephen Curry មិនបានលេងពេញប្រកួតឡើយ និងបានផ្លាស់ប្តូរចូលពាក់កណ្តាលផ្លូវនៃការប្រកួត និងបោះបាន 18 ពិន្ទុ។
Denver Nuggets នៅពេលនេះឈរលេខ 2 នៅភាគខាងលិចឈ្នះ 22 ចាញ់ 10 ខណៈដែល Golden State Warriors ឈរលេខ 11 ឈ្នះ 15 ចាញ់ 15៕
ចុះឈ្មោះ និងដាក់ប្រាក់ជាមួយ 188Asia ទទួលបានរង្វាន់ប្រាក់បន្ថែមរហូតដល់ $100 បើកគណនី www.188asia.com