សហព័ន្ធកីឡាបាល់ទាត់កូតឌីវ័រសម្រេចតែងតាំងលោក Emerse Fae ជាគ្រូបង្គោលក្រុមជម្រើសជាតិពេញសិទ្ធិ បន្ទាប់ពីដឹកនាំក្រុមឈ្នះជើងឯកបាល់ទាត់ទ្វីបអាហ្វ្រិក Africa Cup of Nations ត្រឹមជាគ្រូបង្វឹកបណ្តោះអាសន្ន។
បុរសវ័យ40 ឆ្នាំរូបនេះ គឺជាជំនួយការគ្រូបង្វឹកនៅក្រុមជម្រើសជាតិកូតឌីវ័រក្នុងព្រឹត្តិការណ៍ Africa Cup of
Nations ខែមុន តែក៏ទទួលបានតំណែងដឹកនាំបណ្តោះអាសន្នបន្ទាប់ពីលោក Jean-Louis Gasset ត្រូវបានបណ្តេញចេញក្រោយចប់វគ្គចែកពូលដែលកូតឌីវ័រចាញ់ 2 ប្រកួតឈ្នះ 1។
កូតឌីវ័រនៅតែមានកៅអីនៅវគ្គបន្តក្នុងនាមជាក្រុមលេខ 3 ល្អបំផុតមួយ រហូតឈ្នះគូប្រកួតបន្តបន្ទាប់ដើម្បីគ្រងជើងឯក។
លោក Emerse Fae ធ្លាប់មានបទពិសោធដឹកនាំក្រុមពីមុននៅទឹកដីបារាំង គឺដឹកនាំក្រុមយុវជន Nice និងជាគ្រូបង្វឹកក្រុមបម្រុង Clermont Foot។
រំលឹកថា Emerse Fae ដែលមានដើមកំណើតនៅបារាំងធ្លាប់បង្ហាញខ្លួនឱ្យក្រុមជម្រើសជាតិកូតឌីវ័រនៅ Africa Cup of Nations បីព្រឹត្តិការណ៍ និងនៅ World Cup 2006 ប្រទេសអាល្លឺម៉ង់ផងដែរ។
ការងារក្នុងតំណែងពេញសិទ្ធិរបស់លោក Fae គឺដឹកនាំក្រុមកូតឌីវ័រប្រកួតមិត្តភាពនៅខែមីនាខាងមុខ មុនពេលប្រកួតជម្រុះ World Cup 2026 ទល់នឹងហ្កាបុង និង កេនយ៉ា៕
ចុះឈ្មោះ និងដាក់ប្រាក់ជាមួយ 188Asia ទទួលបានរង្វាន់ប្រាក់បន្ថែមរហូតដល់ $100 បើកគណនីចុចទីនេះ www.188asia.com