ក្រុមហង្សក្រហម Liverpool រំពឹងទុកថា ក្រុម Porto នឹងមានការលើកទឹកចិត្តខ្ពស់សម្រាប់ការប្រកួតក្របខ័ណ្ឌ Champions League វគ្គចែកពូល នៅរាត្រីនេះ ហើយមិនត្រូវមើលស្រាលគូប្រកួតរបស់ខ្លួនឡើយ បើទោះបីបានឈ្នះកៅអីទៅលេងក្នុងវគ្គ១៦ក្រុមចុងក្រោយក៏ដោយ។
- Advertisement -
នេះបើយោងទៅតាមការបញ្ជាក់របស់លោក Jurgen Klopp កាលពីថ្ងៃអង្គារ។ Liverpool ដែលនាំមុខ៧ពិន្ទុលើក្រុមលេខ២ Porto ក្នុងពូល B បានកត់ត្រាជ័យជម្នះយ៉ាងងាយក្នុងលទ្ធផល ៥-១ នៅលើទឹកដីក្រុម Porto កាលពីខែកញ្ញា ខណៈដែលលោក Klopp បានបញ្ជាក់ថា ក្រុមរបស់ព័រទុយហ្គាល់មួយនេះ នឹងស្រេកឃ្លានក្នុងការសងសឹកចំពោះការរងបរាជ័យដ៏ធំរបស់ខ្លួន។ លោក Klopp បានឲ្យដឹងថា៖ «យើងដឹងថា គូប្រកួតរបស់យើង នឹងមានការលើកទឹកចិត្តខ្ពស់ក្នុងកម្រិតដ៏ខ្ពស់បផុតសម្រាប់ហេតុផលសំខាន់២។ ទី១ យើងបានឈ្នះនៅក្រៅដីដែលពួកគេមិនរីករាយ ហើយទីដោយសារតែពួកគេមានការប្រកួតចុងក្រោយរបស់ពួកគេជាមួយនឹងក្រុម Atletico Madrid»។ ក្រុម Atletico ដេញតាមពីក្រោយ Porto ១ពិន្ទុ ហើយនិងត្រូវប៉ះជាមួយនឹងក្រុម AC Milan ដែលកំពុងតែស្ថិតនៅបាតតារាង ដោយមាន១ពិន្ទុ ក្នុងការប្រកួតនៅរាត្រីនេះ ក្នុងពូល B៕
ប្រភពព័ត៌មាន៖ Channel News Asia
- Advertisement -
Comments are closed.