លោក Jurgen Klopp អ្នកចាត់ការទូទៅរបស់ក្រុម Liverpool បានបញ្ជាក់ថា អ្នកចាត់ការទូទៅនានា នឹងជួបប្រជុំគ្នាជាមួយនឹងក្របខ័ណ្ឌ Premier League នៅថ្ងៃព្រហស្បតិ៍នេះ ដើម្បីពិភាក្សាលើបញ្ហានានា ជុំវិញការឆ្លងវីរុសកូវីដ 19។ ការប្រកួត9លើកក្នុងចំណោមការប្រកួត20លើកចុងក្រោយ ត្រូវបានពន្យារពេល
- Advertisement -
ប៉ុន្តែ ក្លិបស្ថិតក្នុងក្របខ័ណ្ឌ Premier League បានសម្រេចកាលពីថ្ងៃចន្ទថា មិនមានអ្វីត្រូវផ្លាស់ប្តូរ ចំពោះកម្មវិធីប្រកួតនារដូវបុណ្យទានឡើយ។ ការបញ្ជាក់របស់លោក Klopp បានកើតឡើង ក្រោយពី Liverpool បានវាយបកពីការដេញតាមពីក្រោយ2គ្រាប់ ដើម្បីផ្តួលក្រុម Leicester ដោយការស៊ុតបាល់ប៉េណាល់ទី ក្រោយពីការប្រកួតពាន League Cup វគ្គ8ក្រុមចុងក្រោយដ៏ស្វិតស្វាញរបស់ពួកគេ បានបញ្ចប់ក្នុងលទ្ធផលស្មើ 3-3 នាកីឡដ្ឋាន Anfield កាលពីថ្ងៃពុធ។ ស្របពេលជាមួយគ្នានេះ Tottenham និង Chelsea ក៏បានឈានទៅគ្គពាក់កណ្តាលផ្តាច់ព្រ័ត្រ ផងដែរ។ ក្រុម Spurs បានយកឈ្នះក្នុងលទ្ធផល 2-1 លើក្រុម West Ham ស្របពេលដែលក្រុម Chelsea បានរកគ្រាប់បាល់2គ្រាប់នៅជិតបញ្ចប់ការប្រកួត ដើម្បីផ្តួលក្រុម Brentford 3-0។ រាល់ការប្រកួតទាំង3លើក បានដំណើរការជាធម្មតា ពីមុខអ្នកគាំទ្រដ៏ច្រើនកុះករ បើទោះបីមានការបារម្ភពីការផ្ទុះឡើងវិញនៃការឆ្លងវីរុសកូរ៉ូណាក៏ដោយ ក្រោយពីមានករណីឆ្លងជាច្រើនក្នុងក្របខ័ណ្ឌ Premier League ដែលនាំឲ្យមានការពន្យារពេលការប្រកួតជាច្រើនកាលពីចុងសប្តាហ៍មុន៕
ប្រភពព័ត៌មាន៖ BBC
- Advertisement -
Comments are closed.