មហាសេដ្ឋីអង់គ្លេសលោក Jim Ratcliffe បានយល់ព្រមទិញភាគហ៊ុន 25% ដែលមានតម្លៃប្រហែល 1.25 ពាន់លានផោនរបស់ក្លឹបបិសាចក្រហម Manchester United ។ ជាផ្នែកមួយនៃកិច្ចព្រមព្រៀងនេះ Ineos Group របស់លោក Ratcliffe នឹងគ្រប់គ្រងប្រតិបត្តិការរបស់ក្លឹប។ Ratcliffe ដែលមានវ័យ 71 ឆ្នាំក៏នឹងផ្តល់
ប្រាក់ចំនួន 300 លានដុល្លារ រឺ 236 លានផោន សម្រាប់ការវិនិយោគនាពេលអនាគតទៅកាន់ក្លិប Old Trafford មួយនេះផងដែរ។
- Advertisement -
ការប្រកាសនេះធ្វើឡើងក្នុងរយៈពេល 13 ខែបន្ទាប់ពីម្ចាស់ក្លឹប ដែលកាន់ភាគហ៊ុនធំគ្រួសារ Glazer បាននិយាយថា ពួកគេពិចារណាលក់ភាគហ៊ុនក្លិបខ្លះរឺទាំងស្រុងដើម្បី “ស្វែងរកជម្រើសជាយុទ្ធសាស្ត្រ”។ គ្រួសារជនជាតិអាមេរិកបានទិញក្លឹបនេះក្នុងតម្លៃ 790 លានផោន (1.34 ពាន់លានដុល្លារ) តាំងពីឆ្នាំ 2005។
Manchester United បានជួបការលំបាកក្នុងរដូវកាលនេះ ហើយមិនបានឈ្នះពាន Premier League ចាប់តាំងពីឆ្នាំ 2013 មក ខណៈដែលមានការតវ៉ាជាប្រចាំប្រឆាំងនឹងការកាន់កាប់របស់ Glazer។
Ratcliffe ដែលមានដើមកំណើតនៅ Manchester គឺជាប្រធានក្រុមហ៊ុនគីមីឥន្ធនៈ Ineos ហើយនិយាយថាគាត់គឺជា អ្នកគាំទ្រក្លឹប Manchester United ពេញមួយជីវិត។
Manchester United បច្ចុប្បន្នកំពុងឈរលេខ 8 ក្នុងតារាង English Premier League រដូវកាលនេះមាន 28 ពិន្ទុ ខណៈ 3 ប្រកួតចុងក្រោយមិនទាន់ស្គាល់ឈ្នះនៅឡើយ៕
ចុះឈ្មោះ និងដាក់ប្រាក់ជាមួយ 188Asia ទទួលបានរង្វាន់ប្រាក់បន្ថែមរហូតដល់ $100 បើកគណនី www.188asia.com
- Advertisement -
Comments are closed.