លោក Jurgen Klopp បានបញ្ជាក់ថា ក្រុម Liverpool មិនចង់កំហឹងលើក្រុម Everton និងអ្នកចាំទី Jordan Pickford ឡើយ នៅពេលដែលក្រុមទាំង២ ជួបគ្នាក្នុងការប្រកួតរវាងក្រុមស្ថិតក្នុងតំបន់ Merseyside ដូចគ្នា នៅរាត្រីនេះ។ ខ្សែការពារ Virgil van Dijk បានរងរបួសដាច់សរសៃជង្គង់របស់គេ
- Advertisement -
ក្រោយពីការព្យាយាមដណ្តើមបាល់ដ៏គ្រោះថ្នាក់ពី Pickford អំឡុងពេលនៃការប្រកួត Premier League នាកីឡដ្ឋាន Goodison Park កាលពីដើមរដូវកាលនេះ ។ បម្រើ Thiago Alcantara ក៏បានរងរបួសរយៈពេលវែងផងដែរ ដោយសារតែការព្យាយាមប្រជែងដណ្តើមបាល់របស់ខ្សែបម្រើប្រយុទ្ធ Richarlison ក្នុងការប្រកួតគ្នាយ៉ាងស្វិតស្វាញ បើទោះបីអ្នកគាំទ្រមិនបានចូលរួមក៏ដោយ។ សម្រាប់ជាលើកទី១ក្នុងរយៈពេល៣ឆ្នាំ ការប្រកួតរវាងក្រុមស្ថិតក្នុងតំបន់តែមួយនេះ នឹងត្រូវប្រព្រឹត្តទៅនៅពីមុខអ្នកគាំទ្រពេញកីឡដ្ឋាន Goodison ខណៈដែល Everton សម្លឹងរកការផ្តល់ការខកចិត្តដល់ការព្យាយាមប្រជែងដណ្តើមពានរបស់ Liverpool។ ប៉ុន្តែ លោក Klopp បាននិយាយថា ក្រុមហង្សក្រហម ត្រូវតែផ្តោតលើការអនុញ្ញាតឲ្យបាល់របស់ពួកគេជាអ្នកនិយាយ។ លោក Klopp បានឲ្យដឹងកាលពីថ្ងៃអង្គារថា៖ «យើងលេងកីឡាបាល់ទាត់។ យើងនៅតែជាក្រុមដែលមានការរំជួលចិត្តមួយ ប៉ុន្តែ អ្នកត្រូវតែប្រើប្រាស់ការរំជួលចិត្តនោះក្នុងរបៀបដែលត្រឹមត្រូវ ហើយនោះគឺជាផែនការរបស់យើង។ យើងដឹងពីចំណុចដែលអ្នកគាំទ្រចង់បាន ហើយយើងព្យាយាមបំពេញក្តីសុបិន និងបំណងប្រាថ្នារបស់ពួកគេ»៕
ប្រភពព័ត៌មាន៖ talkSport
- Advertisement -
Comments are closed.